Mtaala Mpya na Utendaji wa Wanafunzi wa Kiswahili Katika Shule za Upili Mjini Mbarara

Abstract

Utafiti ulikuwa unahusu kutambua mchango wa mtaala mpya katika ufundishaji wa wanafunzi wa Kiswahili wa shule za upili zilizochaguliwa jijini kusini mwa Mbarara na ulilenga kutambua umuhimu wa mtaala mpya katika ufundishaji wa wanafunzi wa Kiswahili katika shule za upili, kuchunguza changamoto zinazokumba wanafunzi na walimu wa Kiswahili katika ufundishaji wa mtaala mpya na kutambua njia zinazotumiwa kutatua changamoto zinazosababishwa na mtaala mpya. Watafiti walituia mbinu ya maelezo, Watafiti walikuwa makini katika kueleza, kufafanua, kuhakiki, kuvumbua, kufanya majaribio, kutafsiri taarifa walizozipata kupitia muundo huu wa utafiti. Sehemu ndogo ya utafiti ilitumia takwimu kama kielelezo na ulifanyika katika shule za upili zilizochaguliwa jijini kusini mwa Mbarara, Utafiti huu ulilenga walimu na wanafunzi wa shule za upili wanoajifunza lugha ya Kiswahili. Katika utafiti huu taarifa mbalimbali zilikusanywa kutoka maktabani na uwandani kwa kutumia mbinu na vifaa mbalimbali vilivyoandaliwa na watafiti. Watafiti walichunguza na kuchanganua data za watafitiwa kulingana na kiwango cha jinsia na umri katika shule za upili.

Utafiti huu ulihitimisha kwamba mtaala mpya wa Kiswahili unahusiana sana na utendaji kitaaluma kwa wanafunzi wa fasihi ya Kiswahili lakini ili kuiendeleza mtaala mpya ipasavyo ni jukumu la walimu wakuu, walimu, wazazi, wanafunzi, serikali pamoja na kituo kikuu cha mtalaa ni lazima kujiunga pamoja kwa lengo moja na ulipendekeza kwamba Wizara ya elimu iangalie kwamba walimu wamepewa elimu ya ziada kuhusu mabadiliko ya mtaala mpya ili kupata ujuzi na stadi za kufundisha vyema. Walimu wakipewa elimu ya ziada wanapata stadi na hamu ya kwendeleza mtaala mpya jambo linaloletea wanafunzi kufaulu mitihani kwa sababu watakuwa wanapata mwongozo mzuri kutoka walimu, Pengine lazima viongozi wa shule wajaribu huku na kule kuona kwamba wamenunua vitabu vya kiada na vifaa vingine kama miongozo ya walimu inayofasili vitabu vya kiada. Jambo hili huwezesha walimu kufundisha bora wanafunzi na mwishoni wanazuka na utendaji bora kitaaluma.